- 51 -

1358. Dezember 8.

In nomine domini Amen. Sub anno eiusdem Millesimo Trecentesimo Quinquagesimo octavo Indiccione xija. vj°. Nonas Decembrum (sic) Hora quasi vesperarum. In Claustro Sororum in Rathibor In stuba et comodo ipsarum speciali Wrat. dyoc. Nobilis et Religiosa virgo domicella Evfemia olim Premislij Ducis Rathiboriensis filia eiusdem Monesterij priorissa In mei Notarij et Testium subscriptorum presencia, mentis et racionis proprie compos, hec verba protulit et aperte dixit: Nos damus assignamus et irrevocabiliter resignamus et legamus pueris filiabus Serenissimj principis et domini Nycolai Oppauiensis et Rathiboriensis Terrarum Ducis et Anne coniugis sue, sororijs nostre (sic) videlicet virginibus Elizabet et Angneti nobiscum degentibus principaliter et pre omnibus universaliter omnia et singulariter singula nostra bona quocumque sensentur (sic) ex nomine, ad nos et ad proprietatem nostram pertinencia, Primo in Territorio Rathiboriensi ab illa parte Odre iacentes, quatuor villas, videlicet Liski, Pogrebine, Markouice, Luborna, Cum Allodijs, Molendinis, Piscinis et piscibus in eisdem contentis, Pratis, Silvis, Rubetis, cum ipsarum pertinencijs universis. In Civitate Zarensi de decem Bancis Carnium de quolibet quintum dimidium lapidem fusi et mundi Sepi in festo beati Martini quolibet anno. In Civitate Rathibor Pannicidarum quilibet unam Marcam grossorum pragensium tenetur dare quolibet anno in festo Sancti Galli numeri polonici. De qualibet Instita octo scoti debentur quolibet anno in iam dicto festo. Preterea de quolibet Manso ante Civitatem Rathibor iacente sex scoti debentur annuj census. Solurio Novorum ortorum Civitati adiacencium que se extendit ad novem Marcas polonicales et novem scotos singula annuum revolucione. De domibus in lataplatea et de Curijs in foscato (sic) situatis una sexagena grossorum veri census. Atribuimus eciam illos in Proswinkel cum omnibus quibus tenentur. Nichilominus villam Bognav cum Allodio et usufructibus universis. In Ducatu autem Oppauiensi Baurouicz cum opidanis et hijs villis illo ab antiquo pertinentibus cum Advocacia scilicet Dehylav, Ciruencav, Sulkov. Cum Allodijs, Molendinis. Piscinis, Pratis, Rubetis et proventibus universis. In hijs bonis Religiosa virgo domicella Anna filia Ducis Mazouie nobiscum in Claustro degens cum predictis domicellabus equalem habebit partem. Item villa Bescav domicellabus Elizabet et Angneti solis debetur, Sed dimidia pars Suchincin ville Elizabet soli debetur. In Districtu Koslensi villam dictam Wcescav cum Allodio Warmuntouicz Et allodio in Mozorav, cumque collacionibus Ecclesiarum et Jure patronatus ad nos pertinentibus, Tali adita condicione: Si Anna predicti Ducis Semouiti filia vixerit, Elizabet et Angnete predictis sublatis ab hac luce, omnia possedebit, Exceptis predictis quatuor villis ab illa parte Odre iacentibus; ille cum omnibus pertinencijs suis ad Conventum sanctimonialium mox revolventur. Statuimus eciam quod de per(cep)tis Wescav ville predicte fratribus de Ordine fratrum Predicatorum pro Brasio debentur dari decem Marce polonicales respectu quarum Prior Claustri Rathibor qui pro tempore fuerit, tenetur mittere ad claustrum pro dicendis missis sororum in Rathibor quatuor fratres omni die. Adicimus eciam si Dux Johannes filius sororis nostre aliquam filiam legittime generaverit et illam Religioni nostre et Conventui tradiderit, illa cum predicta Anna domicella Mazouie Ducis filia omnia ipsis prescripta gubernabit. Promittimus nostra bona fide hanc donacionem nostram et liberam resignacionem in omnibus factam non causa alicuius ingratitudinis aut sinistre informacionis in vita vel in morte aliqualiter revocare. Omnibus autem domicellabus luculenter et nominaliter expressatarum (sic) extinctis, omnia superius recitata ut est premissum ad Conventum sanctimonialium in Rathibor debent revolvi nullo penitus refragante. Ultimo volumus ut de perceptis pro animabus parentum nostrorum et fratris Lestkonis nostraque ipsos exerceant actus. Huic donacionj et legacionj Excellentissimus princeps et dominus Nycolaus Oppauiensis et Rathiboriensis Terrarum Dux cum Duce Johanne filio adididit (sic) consensum. Ut autem hec omnia robur obtineant firmitatis, pre-sentes scribi et Sigilli sui munimine et Sigillorum predictorum principum et dominorum mandavit Roborari. Actum et Datum Anno Indiccione mense die hora loco quibus supra, Presentibus hijs principibus et dominis, Nycolao predictarum Terrarum Duci et Johanne filio suo, domino Henrico Hoberg Milite, Religioso viro fratre Petro Provinciali Polonie, fratre Johanne Confessore predicti Claustri et alijs multis fidedignis.
(Signim Notarii.)
Et ego Petrus quondam Gotfridi de Rathibor presbiter Wrat. dyoc. publicus Imperiali auctoritate Notarius huic donacionj legacionj et Testamento sic facto per domicellam Evfemiam una cum prescriptis testibus presens interfui et eam in hanc publicam formam redigens meo nomine et singno solito consingnavi in Testimonium omnium premissorum.

Anhangend an grüner und rother Seide das Reitersiegel des Herzogs Nikolaus, und das Siegel der Eufemia, klein und rund; es stellt die Mutter Gottes vor mit einer vor ihr knieenden weiblichen Gestalt. Umschrift: S. SORORIS. OFFCE. ORDIS. PD. Das dritte Siegel fehlt.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.